يا ترى جربت؟ إنت ما تعرفش؟
جربت مرة تكون زعلان، مستني حاجة، ولما تيجي.. ماتفرحش؟
جربت مرة تكون جعان، وتاكل فوق طاقتك ... ومتشبعش؟
جربت مرة تكون عطشان، وتشرب قد ما تشرب...ومتسكرش؟
جربت مرة تكون تعبان، وتنام بالأيام... ومتفقش؟
جربت مرة تكون متغاظ، وفـ أقرب واحد ليك تفش غلك..ومترتحش؟
جربت مرة تكون تعبان واليل سهران ويوم النتيجة... ماتنجحش؟
جربت مرة تجرح حبيبك، بإيدك.. وتندم باقي العمر ... ومايسمحكش؟
أنا عارف إنك جربت، ومن زمان، بس مابتقولش
وأخينا التاني برضة مجرب بس غلبان مابيعرفش
أنا بقى جربت وبقولها علني وفعز الشمس...مابتكسفش
أنا اللي الدنيا كانت 100 مرة أحسن لو يوم ماتولدت ماكنش
ياخيبتي أديني قلت.. لسة عيني مابتضحكش
القلب نام والعقل فظلام.. والفرح تاه مابيرجعش
الليل طال وأنا تعبان والشمس مابتطلعش
خليني أنام ... بلاش كلام... بس لساني علـ الخيبة مابيكتمش
والمصيبة أنه لجرح أعز الناس مابيسكتش
ياريتوا كان إتقطع لساني ولا قالش
خليني بعيد.. قليلو حبايبي بإيدي ماتتعورش
أعيش وحيد..مش سعيد لكن أي حد ماأجرحش
لكن لا وألف لا... في شمس مهما تهت مابتيأسش
ومهما حالي كان تعبان مابتزعلش
شمس بتشرق طول الوقت ومابتغربش
شمس البر في قلبي حيسطع.. ومهما ظلام حولي مايأثرش
وجرح حبيبي ، وصاحبي وقريبي هو يداوي.. بس ماقدرش
بعد ما هو يداوي أجرحهم تاني؟! ماقدرش
يبقي أفضل بعيد... أصلك ماتعرفش
أصل أنا جربت... يا ترى جربت؟
No comments:
Post a Comment