عندي كلام

كنت عـــــــاوز أكلمك يا ربي ... وأقولك على كــــــام حاجة في قلبي
فرح وحــزن وســلام وخوف ... وحاجات متلخبطة من ضمنها حبي
نفســـــــــــي دايما تكون جنبي ... تـمـلـك روحــي وكـــيانـي ودربـي
يا تري قابل مني ضعف حبي؟ ... يا تري فـعـلا ناســـي جرح ذنبي؟
نفســــــــــي إيدك إنت اللي تبني ... وتخــلـي بـــالـك من أبـــويا وأمــي
وترعى أولادي أولادك وترويهم ... وترشــــــد بنعمتك أخويا وصاحبي
نفســـــــــــي ياربـي تشـفي أخـتـي ... وتأيد بروحــــك رئيـــس شــــعبي
وتـفتــح ياربـي عيـــــون عـــميان ... فيفرحوا بيك زي ما بيفرح قــلـبي
نفســـــي ياربي دول يسامحوني ... واللي آذوني يســـــامـحـهم قـــلــبـي
نفســــي ياربي أكلمك على طول ... وتكون القـــبطان قــــائد مركـبــــــي
تأمر وأنفذ ما إنت المســــــــؤول ... وعـــلــى كلمتك أرمــــي شــــــبكــي
وأنام في حضنك لو البـحــر هـاج ... وأمشـــــي عــلـى المية وإنت جــــنبي

أديني ياربي وقعت تاني ... وبريائي خدعت ناس تاني
خليتهم شايفين واحد تاني ... فاكرني ملاك أنا الأناني
سامحني وإغفرلي من تاني ... ومتسمحليش أعمل كدة تاني

نفســـــــي يا ربـــــــــي تحضني ... وعن حـــــــب العـــــالم ترفع قلبي
من دلوقتي أطير فــي ســــــــماك ... أعيـــــــــــش معاك تفضل بقربي
وأحــــكيلك عن كل اللي فــي قـــلبي ... ما أنت عـــارف كل اللي في قلبي
بـــس عــــــاوز أقولهولك من تاني ... أصل عندي كلام كتير ليك يا ربي